WANAWAKE 751 KATI YA 869 WALIOKWENDA KUJIFUNGULIA HOSPITALI WILAYANI NGORONGORO KATI YA JANUARI HADI MACHI 2018,WALIKUWA WAMEKEKETWA.

Waandishi wa habari kutoka katika redio tano za mikoa minne Arusha, Manyara, Dodoma na Mara ambayo inayoongoza kwa ukeketaji,watendaji wa vijiji,viongozi wa kimila,viongozi wa dini,Mganga wa jadi  na maafisa ustawi wa jamii wamekutana katika warsha ya siku tatu halmashauri ya wilaya Ngorongoro Mkoani Arusha kujadili kuhusu kampeni ya kupambana na ukeketaji na ndoa za utotoni.

Katika wilaya ya Ngorongoro taarifa za ukeketaji zinasikitisha kwa namna takwimu za awali zinavyoeleza kwani kwa miaka mitatu tangu 2016 hadi 2018 ukeketaji unaongezeka badala ya kupungua. 

Mratibu wa huduma za Afya kwa Mama na mtoto wilayani Ngorongoro Anna Masago amesema Kati ya wanawake 2991 waliofika hospitalini kwaajili ya huduma ya afya wakinamama 1783 ambayo ni asilimia 66% wamegundulika kuwa wamekeketwa

Mwaka 2017 wanawake 2731 walioenda hospitalini Kati yao 2201 waligundulika kukeketwa ambao sawa na asilimia 81% na mwaka 2018 mwezi January hadi mach wanawake 869 Kati yao 751 sawa na asilimia 86% wamegundulika kukeketwa.

Kufuatia ripoti hiyo Mkurugenzi wa halmashauri ya Wilaya ya Ngorongoro Raphael Siumbu amesikitishwa na takwimu hizo huku akieleza kuwa halmashauri yake ndiyo iko nyuma katika masuala ya maendeleo huku akielezwa kuwa sababu inayopeleka Hali hiyo ni wakazi wa eneo hilo kushikilia mila potofu.

Kupitia warsha hiyo iliyoandaliwa na shirika la umoja wa Kimataifa la Elimu, sayansi, na utamaduni-UNESCO,Mkurugenzi wa halmashauri ya hiyo ameomba elimu zaidi ielekezwe pia kwa viongozi wa kisiasa ili kunusuru watoto wa kike  dhidi ya ukeketaji pamoja na ndoa zautotoni.

source.triple a fm/arusha